Europako diskoetxeen bigarren diru-iturri nagusia da Spotify

Jon Berezibar 2011ko ots. 11a, 11:46

Sektorearen krisiari buruzko kexak zabaldu eta gisa horretako zerbitzuak erregulatu eta mugatu beharra bolo-bolo errepikatzen dutenenen aurrean, musika doan entzuteko zerbitzu batek eraginkortasun eta errentagarritasun bermea erakutsi du. Spotify (Suedia) zerbitzuaren hazkundea geldiezina da Europan eta erabiltzaileak bakarrik ez, etekinen hazkundea ere ikusgarria izan da, negozio eredu sendo eta errentagarria dela erakutsiz. 7 milioi erabiltzaile ditu zerbitzuak, horietatik, 320.000 ordainpeko harpidetzekin.

Zerbitzutik eratorritako musika digitalaren salmentak, esaterako, %87,5 igo dira 2009tik eta are hazkunde nabarmenagoa izan dute ordainpeko zerbitzurako harpidetzek, %1400. Hain zuzen, Spotify-k doan nahi adina musika entzuteko aukera ematen du baina saihestu ezin daitekeen publizitatea tartekatzen du. Ordainpeko harpidetza ala Premiun kontua eskuratuz gero, publizitaterik ez da entzuten. 320.000 erabiltzaile daude ordainpean harpidetuta, Daniel Ek zuzendariak emaniko datuen arabera, eta 7 milioi dira erabiltzaileak. Egunero 1.000 erabiltzaile berri pasatzen dira doako kontutik ordainpekora, gainera.

Gaur Europan erabil daiteke soilik Spotify (zehazki, Espainia, Finlandia, Frantzia, Norvegia, Herbehereak, Erresuma Batua eta Suedia). Norvegian eta Suedian gainera, publizitaterik gabeko kontua internet hornitzailearen tarifarekin batera ordaintzeko aukera dago eta horrek zerbitzuaren zabalkundea areagotu egin du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak