Europar GPS proiektua, Galileo, beste 11 urtez atzeratua

Jon Berezibar 2011ko urt. 20a, 11:04

2020 urtean helduko da hortaz, Europar Batasuneko apustu teknologiko eta politikorik garrantzitsuenetakoa izan daitekeena; GPS estatubatuarraren alternatiba europarra izan zedin abiatu zutena. Momentuz eta gutxienez, beste 1.900 milioi euro beharko dituzte proiektua aurrera eroateko. Helburua da 30 satelite izatea orbitan, 70 zentimetroko zehaztasunarekin.

Galileo proiektua Europar Batasuneko apustu garrantzitsuenetako bat izan da amerikarren GPSarekiko mendekotasunetik irteteko eta Europak bere satelite konstelazio propioa gara dezan, alabaina, europar buruzagi politikoak ez dira gauza izan egitasmoari behar bezalako bultzada emateko. GPSaren nagusitza eta inbertsio pribatuaren interes urria ere baldintzatzaileak izan dira.

Momentuz Batasunak bi satelite esperimental besterik ez ditu orbitaratu eta aurten jaurtiko dituzte beste lau modu guztiz operatiboan. Asmoa da lehen lau horien ostean, hiru hilean behin satelite bat gehiago orbitaratzea 18ko kopurura iritsi arte. 2014 urtean ekingo liokete lehen zerbitzuak eskaintzeari baina orduan ere, GPSak baino zehaztasun gutxiagoarekin.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak