Runba, pop-rocka, 70eko hamarkadako rocka eta metal bortitza entzungo dira egubakoitzean Elgetan, Danbaka Musika Lehiaketaren 4. edizioko bigarren kontzertuan.
Oñati eta Donostia
Runba musika ekarriko dute El Trio Calavera oñatiarrek; 2010ean sortutako taldea da hori. Oñatiar eta donostiarrez osatutako Rock Privado musika taldeak, berriz, popa eta rocka uztartuko dituzte zuzenekoan; 2007az geroztik dabil Rock Privado taularik taula.
Arrasate eta Bizkaia
1970eko hamarkadako rock power estiloko musika taularatuko dute ingelesez, Front Malabar talde arrasatearrak (2009). Eta bukatzeko, Bizkaia aldetik, Abadiñotik datorren Ymotek taldeak metal musika interpretatuko dute, horiek ere ingelesez.