Ramon Arantzabalek bere ikuskizuna Interneten zabaltzeko, sareak eskaintzen dituen baliabideak eta tresnak erabiliko ditu. Bloga izango da komunikazioaren ardatza eta performance horren berri emateko. Bat euskaraz, Gau magikoak Munibeko plazan, eta gaztelaniaz bestea, Noches mágicas en la plaza Munibe, biak Wordpress plataforman sortuak, bakoitza bere hartzaileekin.
Web 2.0 erremintak arte ekitaldi bat bultzatzeko
Web 2.0 erremintak erabiliko ditu ekitaldiaren berri emateko.
Horrek aukera emango dio jendearen feedbacka jasotzeko. Eta elementu
horien guztien oinarria bloga da, bertan uztartuko dira-eta
azalpenak, argazkiak, mapak, bideoak eta audioak. Hala, ekitaldian hainbat elementu erabiliko direnez, (pintura, musika, dantza, irakurketa…), berauek kudeatzeko kontu bana sortu ditu zerbitzu hauetan:
Flickr: aurrez egindako pinturak eta gau magikoen inguruan sortutako argazkiak erakusteko.
Blip.tv: bertara igotzeko hemendik eta San Joan biharamuna bitartean sor ditzakeen bideoak.
Euskaltube: ostatu emateko audio artxiboei.
Del.icio.us: bertan gordetzeko han eta hemen ekitaldiaz argitaratzen diren artikuluak.
Twitter: marketin apur bat egin eta jendearen iritzi eta iradokizunak jasotzeko.
Gau magikoak
Gau magikoak Munibeko plazan oinarrituko da Jean Sibelius musikari finlandiarraren Tuonelako zisnea obran. Bertan zisnea, lamia eta heriotza izango dira kontakizuneko elementuak, ahaztu barik aurora boreala. Berau irudikatzeko, Ramon Aranzabalek kolore biziko margoak erabiliko ditu, indartsuak. Horrekin batera, Musiraka dantza taldeak, Osintxukoa bera, prestatzen dihardu koreografia ekitaldirako.
Ramon Aranzabal
Arrasaten jaio zen 1950ean, eta Bergaran bizi da emaztea eta alabarekin. Fagorren egin zuen lan (Fagor Elektronika, Fagor Industrial eta Fagor Elektratresnak), eta, 2008an, erretiroa hartu zuen. Lanean ziharduela, 1995ean, hasi zen pintatzen, horixe da-eta bere benetako zaletasuna. Pintura abstraktua egiten du, hasieran pastela erabilita, eta akrilikoa oraingo proiektu honetarako. Gogoak horixe eskatzen dio, baina baita oihalen tamainak ere, oraingoan koadro handiak egiten ari baita.