Arrasaten, adibidez, ekainean baino 37 langabe gehiago zeuden uztailean; eta, Elgetan, bost gehiago. Hala, ere Debagoiena mailan behera egin du langabezia tasak. Ekainean langabezia tasa %10,82koa zen eta uztailean, %10,75ekoa; hau da, 0,07 puntu jaitsi da langabezia tasa.
Herriz herri
Herrika begiratuta, Oñatik dauka langabezia tasa baxuena: %7,66 da langabezia tasa. Guztira 414 langabe daude Oñatin. Langabezia tasa altuena, berriz, Eskoriatzak dauka: %12,84 da langabezia tasa. Esan behar da ekainean ere Eskoriatzak zuela dabagoieneko langabezia tasa handiena. Ordukoa %13,23koa zen. Ez dugu Aramaioko daturik.
| Ekaina Langabeak |
Ekaina Langabezia tasa |
Uztaila Langabeak |
Uztaila Langabezia tasa |
|
|---|---|---|---|---|
| Antzuola |
89 | % 9,78 | 82 | % 9,01 |
| Aretxabaleta | 367 | % 11,37 |
358 | % 11,09 |
| Arrasate |
1.397 | % 12,07 |
1.434 | % 12,39 |
| Bergara | 723 | % 10,08 |
720 | % 10,03 |
| Elgeta | 40 | % 8,13 |
45 | % 9,15 |
| Eskoriatza | 275 | % 13,23 |
267 | % 12,84 |
| Gatzaga | 12 | % 9,02 |
12 | % 9,02 |
| Oñati |
449 | % 8,31 |
414 | % 7,66 |
| Guztira |
3.352 | % 10,82 |
3.332 | % 10,75 |
Hala ere, kontuan hartu behar da urte hasieratik gaur arte langabeziak gora egin duela Debagoienean. Urtarrilean 3.108 langabe zeuden ibarrean, orain baino 224 gutxiago.
Hego Euskal Herrian
INEMeko datuen arabera, Hego Euskal Herriko herrialde guztietan handitu da langabezia tasa Araban izan ezik. Hain zuzen, ekainean baino 755 langabe gehiago zenbatu dituzte uztailean. Igoera ez da handia izan; baina, kontuan hartu behar da iazko uztailean baino 51.647 langabe gehiago daudela aurtengo uztailean Hego Euskal Herrian.