Emakumeen lorpen ekonomiko, sozial eta politikoak ospatzeko deia da martxoaren 8koa. Egun honetan, agerikotasun berezia izaten dute emakumeen Giza-Eskubideen aldeko borrokek ardura gizarte osoari zabaltzeko helburuarekin. Geurean ere, aldarrikapen deiei helduta manifestazioa egongo da Arrasaten 19:00etan Seberotik hasita. Aurtengo lema Zu ere beharrezkoa zara! da. Manifestazioan, urtero moduan, komunikatua irakurriko dute eta ostean askaria egongo da udaletxeko arkupeetan.
Emakumeen Nazioarteko Egunak emakumea historiako eragile moduan aldarrikatu gura du, gizartean gizonaren pare esku hartuaz. Gaiak mila aurpegi izan ditzake eta gureko blogariek ere heldu diote egunari. Kaleko seinaleak izan dituzte hizpide, adibidez, Sustatu.com-en. Elena Lakak adibidea gertura ekarri du hainbat azalpen emanez. Bergarako seinale sexisten adibideak ematen ditu. Goio Aranaren SuperBai blogean ere gaurko prestatutako kartela erakusten da. Hala ere, euskal blog komunitatean jarduera gutxi nabari da oraindik.
Hala ere, egunak oihartzun zabala izaten du mundu mailan eta hiriburu guztietan erantzun ohi zaio deiari. Interneten ere ez da gutxiagorako eguna eta hainbat blog eta gune feministen bildumatxoa ere egin dugu:
- Plazandreok: emakumeen plataforma politikoa.
- Gotzone Eluren bloga:sufragistei buruzko artikulua.
- Emakunde
- Zubiak eraikitzen, hezikidetza
Historia apur bat
Horrelakoetan gertatu ohi den moduan ospakizunaren hasierari buruzko iritzi bateratasunik ez dago. Batzuk, mendeak eta mendeak begirtada atzera bota eta Aristofanesen Lysistrata bera jartzen dute lehen sustatzaile moduan. Gaur egungo aldarriekin, baina, sufragisten borrokak du lotura. Gotzone Eluk jaso moduan.Egitaraua
Arrasateko manifestazioa ibarreko ekitaldi nagusia bada ere, hitzaldiak egongo dira beste herrietan:Bergara: hitzaldia, Emakumearen egoera munduko herri ezberdinetan, gaztetxean 19:30an.
Eskoriatza: txokolatada Inkernun 18:30an.
Oñati: kontzentrazioa 19:00etan Foruen plazan eta ostean afaria.
Arrasate: hezkidetzari buruzko erakusketa, hilaren 9ra arte, Kultura Etxean 17:00etatik 20:00tara.
Era berean, joan den eguenetik emakume zinemagileei buruzko film sorta antolatu dute zine klubean. Gaur, 20:30tan, Julia Solomonoffen Ahizpak filma egongo da.