Urrian, Ondarroan nengoela,  sufragistekin egin nuen topo. Kalera irten ziren emakumeon boto-eskubidearen urteurrena gogorarazteko. Ekitaldia udalaren Emakumearen batzordeak eta Helduen Antzerki Taldeak antolatu zuten.

Emakumeen boto eskubidearen 75. urteurrena
Gaur eta hemen emakumeok normaltasun osoz disfrutatzen dugun boto eskubidea, sufragisten borrokari esker lortu dugu mendebaldean.

Sufragismoa XIX. mendearen amaieran eta XX. mendearen hasieran Estatu Batuetan eta Europan lortu zen. Emakume haien boto eskubidearen alde egiteaz gain, emakumeen ikasteko eskubidea aldarrikatu zuten, edota Estatu Batuetan esklabutzaren aurka borrokatu zuten.

Sufragistek emakumeon boto-eskubidea lortzeko, kartzela, isunak, gose greba… jasan zituzten eta batzuek bizia galdu zuten.

Hemen 1931ko urriaren 1ean lortu zen emakumeon boto eskubidea.

75 urte hauetan aurrerapauso handiak eman baditugu ere, oraindik gizon eta emakumeen arteko benetako berdintasuna lortzeko gauza asko aldatu behar dira: emakume gehiago behar ditugu postu erabakiorretan, korrespontsabilitatea, sexu diskriminazioa lan merkatuan, emakumeen kontrako indarkeria…

Denoi dagokigu berdintasunean eta errepestuan oinarritutako jendartea eraikitzea.

Ondarroako Udal Emakume Batzordea

bidasoatik