Urte askoan egindako lanaren emaitza da euskalkien mapa. Deba Ibarrean 3 berba-eskualde nagusi bereizten dira.
Debagoiena: Oñati batetik, Arrasate-Leintz bestetik, eta Aramaio azkenik (Oleta izan ezik)
Debaerdikoa: Antzuola eta Bergara batetik, eta Eibar-Soraluze-Elgeta-Ermua bestetik. Eremu horren barruan dago Zaldibargo Eitzaga auzoa, baina ez Mallabiko Gerea eta Zengotita.
Debabarrena: Elgoibar-Mendaroko euskara, Mutrikukoa eta Debakoa. Azken biak tarteko hizkerak dira, gipuzkeraren eragin nabarmena daukatenak. Debakoa (eta gehienbat Itziar-Itxaspe ingurukoa), gipuzkera dira.
Herri batzuetan, oraindik ere bertako euskara jasotzen dihardu Badihardugu elkarteak. Datozen urteetan ezaugarriak eta berezitasunak zehaztuko dituzte.
Mapa salgai egongo da Durangoko azokan , Badiharduguren mahaian, Artekale 12-12. Neurria 100X70 da, eta 3 eurotan salduko da.