Aurkeztu diren alegazioetan arrazoi nagusiak proiektuan ikusi diren gabezietan oinarritzen dira. Arena Power-rek aurkeztutako proiektuan antzemandakoen artean daude, besteak beste, ikusitako inpaktuak kritikoak, metatuak eta atzeraezinak dira hainbat arlotan.
Gainera, Euskadiko Energia Berriztagarrien Lurralde Plan Sektoriala behin-behineko onarpena emanda eta behin betiko onarpenerako prozedura martxan dagoela, Udalak uste du, araudi hau hartu beharko litzatekeela interpretazio-irizpidetzat eta balio orientatzailetzat, sektoreko plangintzarik eguneratuena delako. Honen arabera proiektua ez litzake bateragarria izango.
Horregatik Udalak, eskatzen du Ingurumen Inpaktuaren azterketa bertan behera uztea eta proiektua ez onartzea, egungo baldintzetan.
Udalak bere jardunaren gardentasunean sakontzeko asmoz ikusgai jarri ditu alegazioak.
Modu horretan herritarren batek alegaziorik egin nahiko balu oinarri tekniko hori erabiltzeko aukera ere izango luke alegazioak aurkezteko.