Urriaren 28ko liburuaren aurkezpenari dagokionez, honako mezu hau zabaldu nahi izan du Bergarako talde feministak: "Emakumea, bizitza, askatasuna emakume kurduen mugimendutik sortutako kontsigna bat da, Ekialde Hurbilean indarkeriari, gerrari eta zapalkuntza patriarkalari aurre egin ziena. Liburu honetako bigarren liburukiak emakume kurduen historian sakontzen du; Kurdistango Askapen Mugimenduaren 50 urteko borrokan, antolaketan, ideologian, ametsetan, ahaleginetan, sakrifizioetan eta konbentzimenduan. Emakume kurduen esperientzia da; Kurdistanen kolonizazioaren aurkako erresistentziatik hasi eta Estatu Islamikoaren aurkako gerraraino".
Emakume kurduen gaineko liburuaren aurkezpena Bergaran, Martxanteren eskutik
2025eko urriaren 25a
Martxanterak talde feministak jakinarazi duenez, Mujer, vida, libertad liburuaren aurkezpena egongo da urriaren 28an Bergarako kartzela zaharrean (19:30). Horrez gain, Bergarako talde feministak aditzera eman du Israelen genozidioa salatzeko gaur Arrasaten egingo den manifestazioan parte hartuko dutela: "Martxanterok bertan parte hartuko dugu bloke feministaren baitan, Emakumeok martxan Palestina aske izan arte lelopean".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak