Lan horiek San Antonioko biribilgunetik hirugarren fasearen amaierara eta Urteaga kalearen urbanizazio amaierara arteko tartea hartuko dute, bidegorriaren jarraikortasuna eta irisgarritasuna bermatzeko asmoz. "Obra hauek Bergarako mugikortasun jasangarriaren estrategiaren baitan kokatzen dira, bizikleta bidezko garraioa sustatzeko eta herritarren segurtasuna hobetzeko helburuarekin. Orain exekutatuko diren lanak mugikortasun jasangarri baten aldeko proiektu integral batean txertatuta daude, izan ere, datorren urtean bidegorriaren azken fasea garatuko du Udalak, eta horretarako dagoeneko azken fase horren proiektua erredakzioan dago", adierazi dute Bergarako Udaletik.
Irailaren 11n hasi zituzten Bergarako San Antonio auzoko biribilgunetik Urteaga kalearen amaierarainoko bidegorria egiteko lanak. Bidegorri Bergara Aldi Baterako Enpresa Elkarteari (ABEE-UTE) esleitutako lanen aurrekontua da 144.250 eurokoa –100.000 euroko dirulaguntza jaso dute–, eta hiru hilabeteko epea izango dute lanak amaitzeko. Bergara eta Antzuola lotuko dituen bidegorriaren barruan, Bergarako tarteko laugarren faseko lanak dira.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak