Berdinketarekin iritsi dira partiduko azken minutura eta une horretan, Oiartzunek baloia atean sartzea lortu du. Bergararrak indartsu atera dira kontraerasoan baina ez dute golik egiterik lortu. Hala, azken minututan Oiartzunek berdinketa apurtuta burumakur joan dira jokalariak aldageletara.
Lehen zatia gora behera gutxikoa izan da, harik eta 26. minutuan oiartzuarrek lehen gola egin duten arte. Berehala etorri da haien bigarrena eta bergararrek gogor borroka egin behar izan dute orduan, lehen zatiaren bukaeran 1 eta 2koa lortu arte. Horrela joan dira atsedenaldira eta bigarren zatian, berdinketaren gola sartzea lortu dute bergararrek. Horrela egin dituzte bigarren zatiko minutu gehienak eta azken minutuan aurkariek garaipenaren gola egin duten arte.
