Emakumezkoetan 5 talde izango dituzte mahoneroek. Eta nobedadea da 21 urte eta gero berriz ere senior mailako taldea izango dutela. Hala, azken urteetan harrobiko taldetan izandako nesken gorakadaren ondorioz klubak aspalditik markatua zuen helburua bete da, alegia, Bergarako neskek senior mailan ere eskubaloian jokatzeko aukera izatea. "Hamar jokalariz osatutako taldea izango da eta helburu bakarra dugu, senior nesken taldearen iraunkortasuna bermatzea, jokalari zein entrenatzaile/
Bestalde, harrobian beste lau emakumezko talde izango dira: gazte mailako bat, bi kadete eta infantil bat. Gazte mailako taldeak aurreko urteko emaitza onei segida emanez, aurreko urtekoa hobetu eta aurten euskal ligako azken fasera sailkatzeko helburua dute.
Gizonezkoetan lau talde
Gizonezkoetan aldiz 4 talde izango dituzte. Lehen lurraldeko senior taldeak azken urteetako hobekuntzari jarraipena emanda euskal ligarako igoera fasera sailkatzea dute helburu, horretarako irailaren 28an hasiko duten ligan lehen hiru postuetan amaitu beharko dute. Aurreko urtean azken 10 urteetako puntu sorta altuena lortu zuten eta postu hoietatik soilik bi puntutara geratu ziren. Aurreko urteko talde berberarekin –baja bakarra izango du taldeak– emaitza hori hobetzea erronka eskuragarria dirudi. Bestalde, beste hiru gizonezko talde izango dituzte: bigarren senior talde bat, jubenil bat eta infantil bat.
Lehen aste hauetarako bi erronka nagusi ditu klubak. Lehena, inoizko talde kopuru altuena dela eta, hasierako aste hauetan entrenatzaile eta laguntzaile bila ari dira taldeen beharrei kalitatez erantzuteko. Bigarrena, infantil eta kadete mailako neska-mutilen taldeak jokalari gehiagoz osatzea.
