Txapa Irratiko Kolax saiorako sintonia sortzeko beharretik jaio zen Amustei taldea. Mikel Garatek "gordeta" zituen abestiei tiraka aspaldiko lagunak elkartu eta hamar abestiko diskoa kaleratu dute, kolaborazio bereziekin. Mikel Garate, Kepa Leturia, Iñigo Irizar, Joseba Aldanondo eta Iñigo Ibarzabal bergararrek osatzen dute Amustei, rock amerikarraren "itsaso zabalean" mugitzen den taldea. Diskoa 2023ko urtarrilean eta otsailean grabatu zuten Beasaingo Pottoko estudioan.
Etxekoen aurrean egin zuten atzoko emanaldia Amustei taldekoek. Publikoaren berotasuna sumatu zuten. Bideoan Amustei diskoko Zure ene pozoia kantua duzue entzungai.
