12:00etan hasita herriko kaleetan desfilea egingo dutela azaldu du Maddiren trajeria pastoraleko zuzendari Pantxika Urrutik: "Zuberoan eta beste lekuetan egiten diren pastoraletan beti egoten da desfile bat; helburua egun berezia girotzea da. Desfilearen amaieran dantza bat egin ohi dugu, eta pastoraleko kantu bat abestu".
Bost diziplina obra berean
Literatura, dantza, kantua, musika eta joskintza uztartzen ditu pastoralak. "Ikuskizunean zehar kantuez, dantzez eta bertsoez gozatu ahalko da eta eszena guztiak musikaz lagunduta egiten dira. Zuzendari moduan, saiatzen naiz pastorala ahalik eta dinamikoena izaten, une oro ikuslearen arreta atxikitzen".
