Apirilaren 1ean egingo den Erramu-zapatuko ferian artisauek, abeltzainek eta bertako barazki, fruta eta elikagaien ekoizleekpostua jartzeko eskaerak otsailaren 28a baino lehen egin behar dituzte; eskaerak ferixa@bergara.eus helbidean egin behar dira. Postuak San Martin plazan, Ibargarain, Seminarioko patioan eta Simon Arrieta plazan jarriko dira, 08:30etik 14:30era.
Talo postua jartzeko, berriz, martxoaren 8ko 13:00etarako egin behar dira eskaerak ferixa@bergara.eus helbidean, www. bergara.eus-eko formularioa erabilita edo udaletxeko BAZen. Talo postua seminarioko patioan jarriko dute, 09:30etik 14:30era.
Bestalde, Eusko Labeldun produktuen posturako izen-ematea martxoaren 8an amaituko da, 13:00etan. Bergarakoak izan eta irabazi asmorik ez duten elkarteek aurkez ditzakete eskaerak Udaleko erregistro orokorrean, eta baita Bergaran delegazioa izanda urtean zehar herritarrei zuzendutako ekintzak burutzen dituzten elkarteek ere.
