Ubera auzoko jaiak Bergarako Moises Azpiazu dantza taldekoen ikuskizunarekin borobildu dituzte. Guztira, 108 haur izan dira bertan, eta, dantza saioaren ostean, merienda prestatu diete antolatzaileek esker ona adierazteko. Gorka Buruaga Uberako auzo-alkatearen esanetan: "Gozada bat da Bergarako dantza talde historiko honekin lan egitea; auzoko jaiak janzten dituzte".
Egubakoitzetik gaur arte ospatu dituzte San Pauloak Uberan. Pandemia aurreko egoerako jaien tankerakoak izan dira, eta, izan den parte-hartzearekin pozik agertu dira antolatzaileak: "Giro ederra izan dugu egunotan, Uberan. Egubakoitzeko afarian beteta izan genuen elkartea, puzgarrietan ere haur ugari, auzolanean ere lan mordoa egin da, eta, parte-hartzea bikaina izan da. Ekintza guztietara batu da jendea, eta, balorazio positiboa eginda, datorren urtera begira, horiek antolatzeko gogoz gaude", adierazi du Buruagak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
