Gaur, abenduak 29, hasiko dira egitarauarekin. Zer da Kontseilu Sozialista? izeneko hitzaldia izango dute (12:00) eta ondoren luntxa eta argazki zaharren erakusketaren irekiera; 18:30ean garagardo dastatzea izango dute Izar-Haitz garagardotegiaren eskutik eta pintxo-potea ere egingo dute; egunarekin amaitzeko, bertso saioa izango dute Urko Arregirekin eta Aroa Arrizubietarekin.
Bihar, hilak 30, tribial gaua (21:30) izango dute hiruko taldetan eta sari bikainak banatuko dituzte; jana eta edana ere egongo da.
Amaitzeko, urtarrilaren 4an, IagoMagoren magia ikuskizuna izango dute (17:00), palomitekin eta txokolate-janarekin lagunduta; eta, bukatzeko, Ken Loach-en I, Daniel Blake filma ikusteko aukera egongo da (19:00).
