Bailarako 25 bat lagun, gehienak bergararrak, abiatu dira gaur goizean Donostiara, Larramendiko Arnasa elkarteko ordezkaritza osatzera. Hala, Kontxako hondartzan, Donostia Bizirik eta Erraustegiaren Aurkako Mugimenduak deitutako elkarretaratzean parte hartu dute, Erraustegia ez Bergaran ez Donostian lemapean.
Bertan izan da Jexux Agirre, Larramendiko Arnasa taldeko kidea eta San Juan auzoko alkate ohia. Adierazi duenez, Zubietako erraustegia eraiki zutenean "urrun" gelditzen zitzaion kontu hura, baina orain etxetik gertu antzeko proiektua gauzatu nahi dutela, "kontzientziatu eta konturatu" da gaiaren larritasunaz.
Errausketaren aurkako aldarria Kontxan barrena. @ErrausAurkMugi pic.twitter.com/lnfVaarsh8
— noaua (@noaua) September 11, 2022