Azken agur beroa Pello Garitanori

Gaur arratsaldean egin dute Bergarako Santa Marina parrokian zapatuan hil zen Garitanoren aldeko hileta-elizkizuna, eta hainbat esparrutako ordezkaritza zabala batu da bertan.

Pello Garitano ez zen geldi egoten zenetakoa eta horren adierazle izan da gaur bere alde egin duten hileta elizkizuna. Santa Marina parrokia goraino bete da eta bertan izan dira, besteak beste, egungo alkate Gorka Artola eta baita bere garaian alkate izandako Victoriano Gallastegi ere.

Behin elizkizuna amaitutakoan hainbat txirrindularik, tartean Euskalteleko Mikel Aristik eta Julen Irizarrek eta Lokatza Ziklismo Eskolako kideek, arku bat irudikatu dute gurpilekin hilkutxak egin duen ibilbidean zehar eta Alai Taldekoek Goizeko izarra abestu dute. Familiakoen  eta bertaratu diren herritarren txalo artean eman diote azken agurra Garitanori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.