Inertzia taldeko kideek antolatuta, drift trike kategoria, pneumatika kategorian eta goitibehera arinen kategorian aritu dira 19 parte hartzaile. Hiru jaitsiera egin dituzte eta laugarren bat erakustaldi eran. Kolpez Kolpe taldeko Unai Biain Zulueta eta Adrian Perez Errerok lortu dute sailkapeneko lehen postua, minutu bat eta segundu bateko denbora marka eginda; bigarren, Errota Racin taldeko Ioritz Aranguren eta Aritz Zubiak egin dute; hirugarren, berriz, Errubehera taldeko Gorka Markez eta Mikel Momoitio izan dira.
Azken aldietako parte hartzaile kopurua jaitsi bada aurten ere, giro ederrean joan da txapelketa. Batzuentzat lehen aldia izan da San Martzialeko aldapan behera jardun dutena, baina gehiengoak ezagutzen zuen jada aurrez jaitsiera honek duen zailtasuna. Izan ere, konturatu gabe "abiadura gehiegi" hartzen dela adierazi dute parte hartzaileek, ez dela jaitsiera erraza. Hala, gaur, istripu pare bat ere izan dira txapelketan barrena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
