Une bereziak bizi izan dira, gaur eguerdian, Bergarako udaletxeko areto nagusian. Azken hamabi hilabeteotan jaiotako bergararrei ongietorria egin diete. 106 ume ziren gonbidatuak; Bergaran jaio ez, baina Bergararekin lotura duten jaioberriak ere bai tartean. Festa giroan jaso dute guztiek Bergarako Pentekoste jaietako zapi urdina. Oso pozik, baita ere, gurasoak eta senitartekoak.
Ume asko ziren eta hiru txandatan banatuta sartu dira areto nagusira. Bertan zain zituzten Gorka Artola alkatea eta Ainhoa Lete, Juanjo Asula eta Juan Luis Gonzalez zinegotziak. Nola ez, Bitorianatxo ere bertan zen.
Banan-banan haur denek zapi bana jaso dute. Lepo inguruan jarri, korapiloa lotu eta ongietorri hitzak jaso dituzte guztiek. Argazkiak ere asko izan dira, nola ez. Egun berezia izan da, zalantzarik gabe, guraso eta senitartekoendako ere. Anekdota moduan esan, Gorka Artola alkatearen umeak ere gaur jaso duela zapi urdina. Aitak jarri dio.
Amaitzeko, ume guztiek eta gurasoek taldeko argazkia atera dute udaletxeko kanpoko aldean. Bergarako erraldoi konpartsako Ximun eta Madalena erraldoiak ere bertaratu dira okasiorako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak