Gorka Artola alkateak, herritarrei zuzendutako bideoan, elkarteari eskertu dio inklusioan egiten duten eta egiten duten lana, eta halaber, "bidea amaitu ez dela" gogoratu du. Ekainaren 2tik 6ra ospatuko dira Pentekoste jaiak eta kaleak "alaitasunez betetzera" gonbidatu ditu Artolak herritarrak.
Herrian errotutako elkartea
Bergaran egunerokotasunean du presentzia Aspace elkarteak. Oxirondiko eguneko zentroan eta Ibaiondoko gaztetxoentzako ikastetxean egiten dute lana egunero. Gainera, herrian egiten diren ekimenetan "aktiboki" parte hartzen dute, esaterako, aurten bertan elkarteak bere inplikazioa erakutsi du, Korrikan, Bergara 2030 egin herrixa plan estrategikoaren partaidetza prozesuan edota azokako dinamizaziorako ekintzatan.
