Euskal kantagintzaren atzean dagoena aztergai

Jardun euskara elkarteak eta Bergarako Udalak Hitzen ahairea ikastaroa antolatu dute; 2019an ere egin zuten euskal kantagintzaren inguruan hausnartzeko ikastaroa Bergaran. Oraingoan ere, Gotzon Barandiaranek eta Rafa Ruedak eskainiko dute.

Hitzen ahairea kantagintzari buruzko ikastaroa eskainiko dute Gotzon Barandiaran idazleak eta Rafa Rueda musikariak Bergara, bihar, arratsaldeko 19:00etan, musika eskolan.

Euskal kantagintzan sakontzeko aukera eman nahi dute, eta, horretarako, parte hartzaileekin batera hainbat galderari erantzunak bilatzen ahaleginduko dira, hiru saiotan: Zelan kantatu dute gure idazle eta musikariek Euskal Herria? Zein eragin izan dute idazle eta musikarien artean sortutako kantek euskaldunon imajinarioan? Zein alde dago historia liburuetan erakusten digutenaren eta idazle eta musikarien artean sortutako kantek kontatzen dutenaren artean? Zein zen kantaren funtzio soziala XX. mendean? Eta zein da gaur egun? Galdera horiei erantzuteko hainbat baliabide erabiliko dituzte: batetik, kantariek eta musika taldeek abestietarako erabili dituzten testuak landuko dituzte; bestetik, kantarien eta poeten arteko harremanak aztertuko dituzte. Gainera, kantatu ere egingo dute ikastaroan.

Izena eman nahi dutenek 943 76 36 61 edo 605 71 24 69 telefono zenbakietara deituta edo jardunkultura@topagunea.eus helbide elektronikora idatzita.

Erlazionatuak

'Hitzen ahairea': idazle eta musikariek sortutako kantagintzan eta izandako eraginean sakontzeko ikastaroa

Bergara

Bihar hasiko da, Bergaran, idazle eta musikarien arteko elkarlanarekin sortutako euskal kantagintza aztergai duen 'Hitzen ahairea' ikastaroa. Gotzo...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.