Aurreko urteetako ohitura jarraituz, marrazki eta lelo lehiaketak antolatu ditu Jardun euskara elkarteak. Parte hartzeko azken eguna maiatzaren 18a izango da. Antolatzaileek dei berezia egin diete herritarrei parte hartzeko, oraingoz proposamen gutxi jaso dituztela-eta.
Bi lehiaketa egongo dira. Alde batetik, marrazkia leloarekin aurkeztu ahal izango dute parte-hartzaileek, eta, beste alde batetik, leloa soilik. Marrazkietan haurren eta helduen kategoriak egongo dira, baina leloei dagokienez, proposamen guztietatik bakarra aukeratuko da.
Helduen marrazki onenaren irabazleak 100 euro jasoko ditu, haurren marrazkiarenak 60 euro eta esaldi onenak, berriz, 40 euro. Lanak Jarduneko bulegoan aurkeztu edo jardun@topagunea.eus helbide elektronikora bidali behar dira.
Lehiaketen oinarriak kontsultatu edo informazio gehiagarria behar duenak Jardun euskara elkartearen webgunean edo 943763661 telefonora deituta eskuratu dezake.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
