Herritarrek egindako galderei erantzunak emateko kaleratu dute oharra kirol elkartekoek. Urtero antolatzen duten agur festa eta Ekinez jaialdia ez nahasteko esan dute: "Antolatu den jaialdiak beste helburu batzuk ditu, eta kluba "agur festa" beste data batean egiteko aukerak aztertzen ari da".
Bestetik, zehaztu nahi izan dute ekaineko musika jaialdia antolatzeko baimenak eta baldintzak Udalaren esku daudela: "Martxoaren 11n sinatu zen Agorrosingo eremuko lurren dohaintza Udalaren eta Klubaren artean, Bergarako notariotzan".