Finkatze elementuen banaketa oinarri, enpresen, komertzioen eta bulegoen marasma horretan dago finkatuta Comercial Urcelay.
Konfiantza ereiten
1958an sortu zen Bergarako familia-enpresa; hala, sei hamarkadatik gora daramatza bezeroen beharrak asetzen, mota guztietako zirrindola, azkoina edota torlojuak banatzen. Kalitatea dute jatorri eta helburu, bai produktuetan, baita eskainitako zerbitzuan ere.
Azken urteetan, baina, buruhauste handiei egin behar izan diete aurre. "Gehienetan ezin gara enpresa handiekin konpetentzian sartu, ez eta Txinatik datozen produktuen prezioekin lehiatu ere", aitortu du familiaren arrastoa jarraitzen ari den Amaia Urcelayk. Beraz, helburua garbia da: "Gertuko enpresa multinazional zein txikiek gurea bezalako enpresetan konfiantza izatea".
Tokikoa, beharrezko
Tokiko ekonomia "garatzen, sustatzen eta bultzatzen" egiten dio ekarpena, arduradunaren hitzetan, enpresa bergararrak gizarteari. Eta hori izan da, hain zuzen, Goienakideen komunitatera batu izanaren arrazoia. Hainbat enpresari eskainitako finkatze elementuen banaketan zein egunerokotasunean herritarrei euskarazko informazioa ematean, "tokikoa bultzatzea beharrezkoa delako".
