Bergarako Martxanterek pentsiodunen bizikleta martxa babestuko dute

Miren Arregi Amasorrain 2021eko maiatzaren 24a

Errenterian hasitako pentsiodunen bizikleta martxa, eguaztenean, hilaren 26an, iritsiko da Debagoienera. Bergaran arratsaldeko 18:00retan egingo die udalak harrera ekitaldia eta Bergarako Martxanterek, ekitaldian parte hartzera animatu gura izan dituzte herritarrak. "Pentsiodunen borroka desberdinkerien eta pribatizazioen kontra, zerbitzu publikoen eta duintasunaren aldeko borroka eredugarria da" azaldu dute talde feministatik.

Irakurte Foro Feminista berpiztu

Bestetik, uda giroarekin batera, Irakurketa Foro Feminista berpiztu gura dute Martxanterek eta aurten irakurtzeko bi proposamen egin dituzte; honako hauek:

Circe o el placer del azul (Begoña Caamaño) eta Todo sobre el amor (Bell Hooks).

Irakurraldia komentatzeko hitzorduak aurrerago zehaztuko dituztela adierazi dute. Liburuak eskatu edo harremanetarako bidea hauxe da: martxanterak@gmail.com