Bergarako mendizaleaz gain, istripuan Salamancako Gaspar Giner biologoa hil zen eta larri zauritu zen Roberto Sanchez Lasarte-Oriako ikertzailea. Hiru urteren ostean, Rosa Menendez Ikerketa Zientifikoen Kontseilu Nagusiko (CSIC) presidentea eta Estatuko agentziako beste bi kargudun ikertzen ari da Vielhako epaile bat. EFE agentziak adierazi duenez, lan-arriskuen eta giza baliabideen arduradunek "langileen osasunaren eta segurtasunaren aurkako delitua" egin zutenaren usteak dituzte.
Eguenean, hilak 27, deklaratuko dute Mendezek eta beste bi kargudunek, eta senitartekoak ere akusazio partikular gisa aurkeztuko dira. Familiak uste du espedizioa "prebentzio-neurririk gabe" egin zela, eta CSICeko kupula inputatzeko eskatuko du.
Aurretik, beste epaiketa bat
Hiru mendizaleen istripuaren harira, dagoeneko beste epaiketa bat ere egon da; izan ere, Luis C. proiektuaren zuzendariak hitzez errekrutatu zituen langileak –kontratazio-orririk gabe–, eta ondoren, CSICeko gerentziak ez zuen baimendu laginak hartzearekin lotutako gasturik. Hala, Gizarte Segurantzaren Diruzaintzak salaketa jarri zuen, eta Lleidako Lan Arloko 1 zenbakiko Epaitegiak onartu egin zuen hildakoek lan-harremana zutela CSICekin –agentziak ukatu arren–.