Gipuzkoako lau eta erdiko finalerako txartela izango dute jokoan gaur arratsaldean, 19:45ean, Bergarako pilota elkarteko Lazpiurrek eta Lazkaoko elkarteko Erauskinek.
Etzi, ostera, Udaberri txapelketako neurketetan onena ematen saiatuko dira pilotari bergararrak, 9:30eatik aurrera. Lazpiurrek eta Gilek osatutako bikotea Oiartzunen aurka saiatuko da irabazten gazteen bigarren mailako norgehiagokan. Ostean, nagusien bigarren mailan, Bergarak eta Iñarrak Aretxabaletako bikotearen aurka jokatuko dute.
11:30ean hasita, gainera, Mendebaldeko lau eta erdiko finalak jokatuko dituzte. Barrocalek Zestoako Agirre izango du aurkari kadetetan. Eguerdi partean izango da nagusitako lehen mailan Etxanizen txanda, eta Azpeitiko Ilunpe elkarteko Egiguren izango du aurrean txapela eskuratzeko lehian.