Hauteskunde Batzordearen jakinarazpenaren ondoren, Elena Leteren lekukoa hartuko duen zinegotziak kargua hartuko du apirilaren 26an egingo den ohiko osoko bilkuran.
Martin Etxaniz EAJren zerrendako zortzigarren postuan joan zen 2019ko maiatzeko udal hauteskundeetan eta Ulma Servicios de Manutencion enpresako Finantza Zuzendaria da. "Ziur gaude Martinen esperientzia eta ibilbide profesionalak ekarpen handiak egingo dizkiola zinegotzi taldeari eta, nola ez, Bergarari", esan du Enaitz Agirre Bergarako Uri Buru Batzarreko lehendakariak.