Egin herrixa 2030 diseinatzeko egin den diagnostikoa da hilaren 15ean, eguena, aurkeztuko dena. Seminarixoan izango da ekitaldia 18:00etan, eta online jarraitzeko aukera ere egongo da. Bestetik, aurkezpenaren gaztelaniazko itzulpena ere eskainiko da, baina horretarako Euskara Zerbitzura deitu beharko da (943 77 91 43) hilaren 13a baino lehen.
"Diagnostiko hau abiapuntua izango da 2030era begira irudikatzen dugun Bergara lortzeko ekintza plana diseinatzerako orduan", azaldu du Bergarako Udalak, eta orain artekoa osatzeko hainbat lan egin direla zehaztu dute: herriko zenbait eragilerekin elkartu, galdetegiak egin edota udal barruko plangintzak aztertu, besteak beste.
