Bergarako EH Bilduk trantsizio ekologikoaren inguruko hitzaldia antolatu du hurrengo martitzenerako (apirilak 13, 18:30ean UNEDen). Hizlaria, EH Bilduko legebiltzarkide Mikel Otero izango da. "Otero, frackingaren aurkako mugimendutik datorren pertsona da eta gai honetan lanketa handiak egin ditu. Gaur egungo egoera eta trantsizio ekologikorako udaletatik nola eragin dezakegun EH Bilduk duen proposamena aurkeztuko digu", azaldu du Bergarako EH Bilduk.