Irudietan agertzen den bezala, goizeko lehen ordutik aritu dira Udaleko langileak kalean pilatutako elurra bazterrera eramaten. Bart gauean elurra 200 eta 400 metro artean egingo zuela zegoen aurreikusita, baina oraindik eta beherago, 110 metrora gutxienez, egin du elurra, Bergarako kaleak kolore zuriz estaltzeraino.
Hori horrela, Udaletxe aurrean egin ohi den merkatua bere horretan mantendu da, eta ostalariren batek erratza atera behar izan du toldoetan metatutako elur malutak lurrera botatzeko.
