Gipuzkoako Foru Aldundiak DYAko profesionalekin batera egiten jarraitzen dituen PCR probek eta prebentziozko mapeoek 17 kasu positibo atzeman dituzte azken orduetan Errenteriako Jesus Bihotza zentroan (9), Donostiako Hermano Garate-San Ignacion (1) eta Zorroagan (7). Beste alde batetik, Donostiako Txara II eta Zorroagako bi egoiliar zendu dira azken orduetan, eta beste 11 lagunek gaixotasuna gainditu dute: Alai Etxeko lauk (Donostia), Lamorouseko hiruk (Donostia), Jesusen Bihotza egoitzako bik (Errenteria), Zorroagako batek (Donostia) eta Mizpirualdeko beste batek (Bergara). Azken alta horrekin, Mizpirualde egoitza COVID-19 kasu aktiborik gabe geratu da.
Honenbestez, Debagoieneko zaharren egoitzetan ez da COVID-19 kutsaturik une honetan. Irailaren 16an izan zen lehen koronabirus kutsatuaren berri Mizpirualden. Ordura arte ez zen kutsaturik. Baina gaur arte izan dute birusa egoitzan, eta hildakoak ere izan dira.
