Bergarako baheketan egindako probetatik 2.183 dira baliagarriak, eta 18 positibo atzeman dira

Koronabirus kasu asintomatikoak atzemateko baheketa egin dute Bergaran aste bukaeran. 13 eta 40 urte arteko 4.000 herritar zeuden deituta PCR proba egitera. Eusko Jaurlaritzako Osasun Sailetik adierazi dutenez, egindako proba guztietatik 2.183 izan ziren baliagarriak –gehiago egin zituzten–, eta horien artean, 18 kasu atzeman zituzten. Osasun Sailaren irizpideen arabera, atzemandako kasu horiekin 250 kutsatze ekidin dira.