Egun, adinekoen lau egoitzak dituzte COVID-19 kasu aktiboak erabiltzaileen artean: Donostiako Hermano Garate – San Ignacio (1), Hernaniko Santa Maria Magdalena (33), Errenteriako Jesusen Bihotza (16) eta Donostiako Alai-Etxe (11).
Diputazioak emandako datuen arabera, 65 zentro eta 5.425 plaza dituen Gipuzkoako egoitza-sarean, 61 kasu positibo daude egun erabiltzaileen artean. Horietatik, hamar pertsonak ospitaleko arreta behar dute eta ospitaleratuta daude, eta beste 39 Eibarko Ospitaleko gizarte-instalazioan artatuak izaten ari dira, Gipuzkoako egoitzetatik eratorritako COVID-19 kasuak artatzeko erreferentziazko zentroan. Hala, abuztuaren 11n lehen positiboak eman zirenetik, sei adinekok gainditu dute gaixotasuna, eta 18 hil egin dira.
Debagoienean, beraz, ez dago COVID-19 gaixorik daukan egoitzarik momentu hauetan.
