"Tirabira batzuk izan ditugu Udalarekin, eta guretako garrantzitsua zen argitzea zelai osoa erabiltzeko aukera izango genuen ala ez. Badirudi denboraldia beranduago hasiko dela, baina irailean hasita, ezinezkoa litzateke aurre-denboraldia prestatzea. Beraz, pozik gaude adostutakoarekin, normaltasunez hasi ahal izango dugu aurre-denboraldia, nahiz eta ezjakintasun asko ditugun oraindik denboraldiari begira", azaldu du Iosu Elortza BKEko presidenteak. Udalak, bestalde, ez du adierazpenik egin gura izan gai honen harira.
Hala adostu dute Bergarako Udalak eta Bergara Kirol Elkarteak. Gaur-gaurkoz, Ipintza zelaiaren erdia Agorrosingo erabiltzaileek eguzkia hartzeko erabiltzeko dago jarrita. Beste erdian, kadete eta gazte mailako taldeak entrenatzen aritu dira, eta datorren astean saio solte batzuk egingo dituzten arren, denboraldia bukatutzat eman dute, baita gizonezkoen eta emakumezkoen talde nagusiek ere.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak