Aurtengoa Koldo Eleizalde literatura lehiaketaren 35. edizioa izan da, zein koronabirusak eragindako egoerara moldatu behar izan den. Parte hartzaileek ipuin idatzia, poesia, komikia, ipuin-kontaketa, antzerkia, txistea edo umorezko pasadizoak aurkeztu dituzte eta antolatzaileek dagoeneko eman dituzte jakitera sarituen izenak.
Koronabirusaren eraginez, literatura lehiaketaren formatua aldatu egin behar izan dute eta parte hartzaileek familian sortutako lanak aurkezteko aukera izan dute. Ohiko sari banaketa ere ezin izan dute egin eta horregatik, sarituetako batzuek jaso dituzte sariak dagoeneko.
'Etxetik plazara' saioa
GOIENAk aurtengo Koldo Eleizalde literatura lehiaketaren inguruko Etxetik plazara saioa eskainiko du, egubakoitzean, hilaren 19an, 21:30ean. Bertan, lehiaketako epaimahaikideak izan direnak elkarrizketatuko dituzte eta sarituen eskutik lehiaketara aurkeztutako hainbat lan ikus-entzunezko formatuan ikusteko aukera egongo da.
