Ekainaren 15etik aurrera berrekingo dituzte aurrez aurreko talde entrenamenduak klubeko talde federatuek. Bergara Kirol Elkarteko Zuzendaritzak jakinarazi duenez, datorren denboraldiko taldeak osatzeko lanean hastea eta talde lana berreskuratzea dute helburu. Lan saioak talde txikietan egingo dituztela zehaztu dute, segurtasun neurriak mantenduz. Aldagelak erabiltzea debekatuta egongo da. Zuzendaritzatik adierazi duetenez, jokalariek datozen egunetan izango dute dagozkien entrenamendu egun eta orduei buruzko informazioa.
Udako kanpusean lanean
Neska-mutiko gaztetxoenei zuzendutako Udako Futbol Kanpusa bertan behera uztea erabaki zuten arren, 2020ko edizioa "aurrera eramateko" lanean ari direla azaldu dute Bergara Kirol Elkartetik. 2020ko Mahonero Egunak eta Udako Futbol Txapelketak bertan behera jarraitzen dutela gogorarazi dute.