TAO zerbitzua eguaztenean jarriko da berriro martxan

Maialen Regueiro 2020ko eka. 8a, 20:12
San Martin plazako TAO zerbitzua itxita

Hainbat hilabetez etenda egon ostean, eguaztenean, hilaren 10ean, martxan jarriko da berriro TAO zerbitzua, ohiko arau eta funtzionamenduarekin. Udalak jakinarazi du, makinak martxan jarri aurretik desinfektatu egingo direla eta egunean zehar hainbat langile horiek desinfektatzen arituko direla. Horrez gain, Udalak herritarrei gomendatu die makinetako botoiak sakatzeko, eskularru, giltza edo bestelako materiala erabiltzea, hatzamarrak erabili beharrean. 

Arauak eta funtzionamendua

Bergarako TAO zerbitzua lau gune nagusitan dago banatuta: Oxirondo plaza, San Martin Agirre plaza, Ibargaraiko parking publikoa eta kalea. Guneen araberako ordutegia mantendu egingo da. Gauzak horrela, San Martin plazako ordutegia, astelehenetik ostiralera 09:00etatik 13:00etara bitartean izango da. Gainontzeko guneetan, berriz, astelehenetik ostiralera, 09:00etik 13:00etara bitartean goizez, eta 16:30etik 21:00ak bitartean arratsaldez. Hiru gune hauetan, larunbatetan 09:00etatik 13:00ak bitartean egongo da martxan TAO zerbitzua. 

Tiketa doakoa izateaz gainera, ezinbestekoa da eta ateratzen den gunerako bakarrik izango da baliozkoa. Oxirondo plazako eta Ibargaraiko parking publikoko iraupena hiru ordukoa izango da, San Martin plazakoa ordu erdikoa eta kalekoa, ordu eta erdikoa. Gainera, tiketaren iraupena bukatzerakoan ezingo da TAO gunean aparkatu hiru ordu igaro arte, nahiz eta honako salbuespena onartzen den: lehenik San Martin plazan aparkatzen bada, posible da gainontzeko guneetan aparkatzea. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak