COVID-19ak sortutako larrialdi egoera dela eta, Jardun euskara elkarteak zapiaren zabalpena beste modu batera egitea erabaki du aurtengoan. Aurreko ediziotako zapiak jarriko dituzte webgunean ikusgai eta bertan deskargatu, margotu… ahal izango dira.
Horretaz gain, zapi zuri baten eredua ere jarriko dute bakoitzak bere diseinua egin dezan: "horrela jaiek iraun bitartean, normaltasunean ospatu ez arren, etxeak, balkoiak, etab. apaintzeko aukera zabaltzen dizuegu".
Diruz laguntzeko deia
Bestalde, zapien salmenta Jardunendako diru iturri garrantzitsu bat izaten dela gogorarazi dute, eta arrazoi horregatik, nahi duenak eta ahal duenak, modu sinbolikoan, bere ekarpena egiteko kontu korronte bat jarri dute martxan.