Euskal presoen eskubideen aldeko aldarria Bergaran, segurtasun neurri guztiekin

Gure Artera-Sarek eta Etxeratek elkarlanean antolatuta, elkarretaratzea egin dute gaur Bergarako San Martin plazan, euskal presoen eskubideak aldarrikatzeko. COVID-19ak egubakoitzeroko agerraldiak bertan behera lagatzera behartu eta bi hilabete egin gabe egon ostean, gaur egin dute koronabirusaren testuingurura egokitutako lehen agerraldia. Segurtasun neurriak zaintzen eta plaza osoa hartuta.

Euskal presoek bizi dituzten sei egoera salatu nahi izan dute: urrunketa, zigorren batuketa, emakumea eta kartzela, preso adinduak, motxiladun haurrak eta zigor luzeak. Bergaran ez dago euskal presorik gaur egun, baina bikotea edo senitartekoa kartzelan dituztenak gogoratu dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.