Bergarako Erraldoi Taldeak marrazki lehiaketa abiarazi du

20 urte bete ditu aurten Bergarako Erraldoi Taldeak eta herritarrekin ospatu gura dute; hori horrela, erraldoiei buruzko haurrendako marrazki lehiaketa antolatu dute.

Erraldoiak protagonista diren marrazkiak egitea proposatu dute, eta bi kategoriatan banatuko dituzte jasotako lanak: A kategorian 2 eta 7 urte bitartekoek egindakoak, eta B kategorian, 8 eta 14 urte bitarteko gazteenak. A kategoriako irabazleek, Bergarako dendetan erabiltzeko 20 eurotako bonoa eta gomazko erraldoi bikote bat eskuratu dute, eta B kategoriakoek, berriz, 30 eta 15 eurotako bonoak. 

Maiatzaren 1a, parte hartzeko azken eguna

"Etxeko egonaldi behartuan haurrentzako eta horien gurasoendako lagungarri izateko asmoarekin" abiatu dute sariketa eta maiatzaren 1a da parte hartzeko azken eguna. Parte hartu nahi dutenek bergarakoerraldoiak@gmail.com helbidera edo 688 77 88 92 WhatsApp-era bidali behar dituzte lanak,  egileraren izen abizenak, kategoria eta adina adierazita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.