Ikusmin handia eta sorpresa Bergarako baserrien gaineko ikerketaren aurkezpenean

Goraino bete da udaletxeko osoko bilkuren aretoa.

Ibon Telleria arkitektoak, Josue Susperregi dendrokronologoak eta Patxi Larrañaga historia ikertzaile bergararrak aurkezpen interesgarria egin dute gaur, otsailak 15, Bergarako udaletxean. Bergarako sei baserriren sorrera XV. mendean kokatzen du ikerketak datu fidagarriekin eta hori bera sorpresa izan da baserrien gaur egungo jabeentzat. Goraino bete da udaletxeko areto nagusia.

Osintxuko Olaberri baserriko Jose Mari Jauregik, adibidez, ez zuen espero bere baserria horren zaharra zenik: "Oso ikerketa interesgarria izan da. Emaitzak sorpresa izan dira guretzat, bagenekien-eta baserria zaharra zela baina ez horrenbeste. Patxirekin [Larrañaga] aspalditik dugu harremana eta bagenekien XVI. menderako gure baserria bazegoela; honek, baina, ia mende bat aurreratzen du eraikitze-data". Hori bai, Jauregik dio kostu handia dela baserria behar den moduan mantentzea: "Ez gara bertan bizi baina sarritan joaten gara, eta lan handia dago mantenurako; bertan bizi ez bazara ez dago laguntzarik, eta hori kostu handia da".

Erlazionatuak

Bergarako baserrien jatorriaren gaineko "ikerketa arrakastatsuaren" berri emango dute

Bergara

Ibon Telleria arkitektoak, Josue Susperregi dendrokronologoak eta Patxi Larrañaga historia ikertzaileak Bergarako sei baserri ikertu osteko ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.