Banatu dituzte amodiozko gutunen lehiaketako sariak

Izar Odriozola, Ainara Elizondo eta Karmele Uribesalgo sari banaketan, biolin-joleak ondoan dituztela.

Irizar jauregian egin dute sari-banaketa gaur arratsaldean. Musika eskolako biolin-joleak ere izan dira bertan, eta behin amaituta mokadutxoa jateko aukera izan dute bertaratuek. 

Gaur, San Valentin egunez egin dute amodiozko gutunen eta esaldien sari banaketa, Bergarako Jardun Euskara Elkarteak antolatuta.

Guztira bost sari ezberdin banatu dituzte, eta horietako hiru Bergarako bi gaztek jaso dituzte. Alde batetik, Karmele Uribesalgok helduen epaimahaiaren sari nagusia jaso du –500 euro– eta epaile gazteen eskutik Gazteen saria –150 euro–. Herriko onenaren saria, bestetik, Izar Odriozolak jaso du –150 euro–.

Bestalde, Hondarribiko Ainara Elizondok irabazi ditu bigarren saria baita esaldi onenarena ere; 250 eta 100 euro eman dizkiete sari gisara, hurrenez hurren.

Irabazleak, pozik

Lehiaketako irabazleak "oso pozik" azaldu dira jasotako errekonozimenduarekin, eta idatzitako gutun zein esaldiak ahozgora irakurtzera ere animatu dira, horretarako musika eskolako Maitane Suinaga eta Eider Elortza biolin-joleen laguntza izan dutelarik. Luntxarekin eman diote amaiera aurtengo amodiozko gutunen lehiaketari. 

Erlazionatuak

Amodiozko gutunen lehiaketa, sekula baino bergararrago

Bergara

Bost sarietatik hiru Karmele Uribesalgo eta Izar Odriozola herritarrek jasoko dituzte, eta gainontzekoak Hondarribiko ainara Elizondok. Sari-banake...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.