'La línea invisible' telesailaren lehenengo irudiak

Itziar Larrañaga Sarasola 2020ko urt. 31a, 11:47

Uztaileko lehen bi asteetan grabatu zituzten Bergarako Bidekurutzeta kalean La linea invisible telesailerako lapurreta baten irudiak. Figuranteak ere eskatu zituzten eta herrian bertan egin zuten 180 pertsonak aukeratzeko casting-a. Apirilaren 17an estreinatuko da.

ETAren jatorria eta lehen atentatua

Guztira sei kapitulu izango ditu Mariano Barrosok zuzendutako telesailak. 1960ko hamarkadan girotuta egongo da, ETAren jatorrian eta lehen atentatuan, Jose Antonio Pardinesen hilketa, hain zuzen. Horren harira, Bergaran lapurreta bat grabatzeak badu bere arrazoia.

Izan ere, Gaizka Fernandez Soldevilla historialari bizkaitarraren arabera, ETAk autofinantzatzeko lapurretak egiteari ekin zion eta eta lehen lapurreta 1965ean egin zuen Bergarako Banco Guipuzcoano-n, Bidekurutzeta kalean, hain zuzen ere.

Gidoia Michel Gaztambidek eta Alejandro Hernandezek idatzi ditu eta aurpegi ezagun askok hartu dute parte. Àlex Monner izango da protagonista nagusia eta ETAko kide nabarmen moduan ezaguna den Txabi Etxebarrietaren papera antzeztuko du. Monnerrekin batera aktore hauek ere hartu dute parte: Antonio de la Torre, Anna Castillo, Asier Etxeandia, Patrick Criado, Patricia López Arnáiz, Enric Auquer (Goya Saria irabazi berri du), Amaia Sagasti, Pablo Derqui eta Ramon Barea.

Apirilaren 17tik aurrera egongo da ikusgai telesail laburra Movistar + ordainpeko plataforman.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak