Wolfram Deuna ospatuko dute bihar Bergaran, zientzia eta umorea lotzen dituen "luxuzko" ikuskizuna

Wolfram Deuna

Zientzia eta berrikuntza jardunaldietako egitarauko klasiko bat bihurtu den Wolfram Deuna ospatuko dute bihar Bergarako Seminarixoan (19:30).  "Umorezko bakarrizketa zientifiko homeopatikoak" eskainiko dituzte, aurten bosgarrenez, Elhuyar anaiek wolframa bakartu zuten lekutik oso gertu. Ekitaldia irekia da, eserlekuak bete arte.

Umorezko bakarrizketa zientifiko laburrek osatuko dute ekitaldia. Mirari Martiarena Iraola izango da aurkezlea eta gidaria, eta zortzi hizlari hauek frogatuko dute zientzia barregarria ere izan daitekeela: Nagore Elu Arantzamendi (biokimikaria), Josu Lezameta Larrabeiti (euskara irakaslea), Idoia Torregarai Martija (umoregilea), Oskar Gonzalez Mendia (kimikaria), Lorea Arakistain Aizpiri (komunikatzailea), Josu Lopez Gazpio (kimikaria), Koldo Garcia Etxebarria (genetikaria) eta Jone Monux Garcia (Aranzadi Ikastolako batxilergoko ikaslea).

Erlazionatuak

Urriaren 28tik azaroaren 10era, zientzia eta berrikuntza jardunaldiak Bergaran

Bergara

Zientzia, teknologia eta berrikuntza esparru guztietara gizarteratu eta sustatzea helburu duten zientzia eta berrikuntza jardunaldiak aurkeztu ditu...

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.