Hala ere, ekintza batzuk mantendu egingo dira. Palmerakuen martxa da horietako bat eta baita Hankaluze Trail-ekoek Hiru Tontorretara antolatu duten mendi irteera ere; Labegaraietatik irtengo dira, 09:00etan, eta bertan eman ahalko da izena. Amaitzeko, Bergara Hiria xake txapelketa ere jokatuko da, Agorrosingo gela handian, 10:00etan hasita. Domekan hasi eta bukatuko dute, eta 100 bat lagun aurreikusten dituzte.
Mugikortasun Asteko autorik gabeko eguna aprobetxatu ohi du Udalak Kirola Kalean eguna antolatzeko. Domekakoa da autorik gabeko eguna, baina eguraldi iragarpenak "oso txarrak" direla-eta Kirol Zerbitzuak erabaki du ekimena bertan behera uztea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak