Burrunba doinuz blai danborrada sanmartinetan

Aitor Agiriano 2019ko ira. 16a, 01:00

San Martin jaietako ekitaldi kutuna ospatu dute Bergaran, nagusien danborrada. Aurten, gainera, inoizko parte-hartze handiena izan du, 700 lagun inguru atera dira-eta, euripean, 21 konpainiatan banatuta. Ibilbidea plazan amaitutakoan, tradizio den San Martin Agirreren heriotzaren errepresentazioa egin dute.

500 danbor-jole, 100 barrika-jole, 50 japoniar, 55 bandako musikari eta banderadunak ere kontuan izanda, inoizko danborrada koloretsu eta jendetsuena izan da aurtengoa. Hiru talde berri atera dira estreinakoz: Candem Town, Mariaren Lagundia eta Iparra Galtzen konpainiak, hain zuzen.

Aipatzekoa da baita, orain artean danborrada plazara heldutakoan konpainia bakoitzak zuzendari bat izaten zuela. Aurten baina, bi zuzendari egon dira guztira plazan. Bat danbor-joleendako eta bestea barrika-joleendako.

Behin danbor eta barrikak gogor astindu eta gero, tradizio den San Martin Agirreren heriotzaren errepresentazioa egin dute San Martin plazan, Bergarako Musika Bandaren laguntzarekin.

 

 

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak